دليل الوظيفة العمومية و عروض العمل

هذا المقال هو تحيين للمعلومات الواردة في مقال سابق بالداريجة و لتبارطاجا بزاف عبر وسائل التواصل الاجتماعية نظرا للمعلومات المهمة لفيه و لغيستفد منها أي واحد كيقلب على خدمة أو سطاج أو مستجدات الوظيفة العمومية بالمغرب، و نظرا كذلك لأنه بالداريجة لكيفهمها كولشي و وسيلة لإيصال المعلومة ببساطة و بدون بروتوكول “أكاديمي” أو “بريستيج اللغة” .

في المقال السابق كنا هدرنا فيه باللي على بزاف المواقع فين تقدر تبدا بحث عن عمل أو سطاج و كل موقع مختص فشي مجال معين و لكن كتختلف من ناحية جودة الخدمات في نشر إعلانات الوظائف و من ناحية مصداقيتها كموقع جاد همه مساعدة الباحثين عن شغل و ليس فقط الربح من عدد الزيارات، لهذا و ذاك بغينا نعطيو توضيح شامل هاد المرة حول مصداقية و جدية بحال هاد المواقع، باش مضيعش وقت في أنك Postuler لعروض عمل و سطاجات وهمية في مواقع غير موثوقة، خصوصا أن هذا المجال لا يخضع لرقابة قانونية رغم وجود قانون يجرم نشر الوظائف الوهمية، لكن مكينش شي مراقبة من طرف وزارة الشغل و الإدماج المهني في هاد الباب.

نقدروا نقسموا هاد دليل الوظيفة العمومية و عروض العمل بالمغرب لهاد العناوين الرئيسية من أجل فهم أكثر لمصدر هاد المواقع، و من ورائها و مدى جديتها و كيف تنشر عروض الوظائف، و يمكن لأي واحد فيكم يخرج بخلاصة من بعد، و الهدف هو إيصال المعلومة أو على الأقل يعرف كل باحث عن شغل فين يقلب على خدمة أو سطاج وسط هاد الكم الهائل من المواقع لكيوصل ل 100 موقع، فقط 40% لجدي و احترافي في المجال.

المواقع الحكومية الرسمية

يقصد بها المواقع الرسمية التابعة للمملكة المغربية و كاين بوابة واحدة خاصة بالتشغيل العمومي و بمباريات التوظيف بالإدارات و المؤسسات و المقاولات العمومية بحال :

مباريات التوظيف – مصالح الدولة
– المجلس الأعلى للحسابات
– رئاسة الحكومة
– وزارة الداخلية : المديرية العامة للأمن الوطني، المديرية العامة للوقاية المدنية، مديرية تكوين الأطر الإدارية والتقنية
– وزارة العدل
– وزارة الأوقاف والشؤون الإسلامية
– الأمانة العامة للحكومة
– وزارة الإقتصاد والمالية : الخزينة العامة للمملكة، إدارة الجمارك والضرائب غير المباشرة، المديرية العامة للضرائب

مباريات التوظيف – الجماعات الترابية
– مجلس جهة الرباط سلا القنيطرة
– مجلس جهة بني ملال خنيفرة
– مجلس جهة درعة تافيلالت
– مجلس جهة سوس ماسة
– مجلس جهة طنجة تطوان الحسيمة
– عمالة الرباط
– عمالة طنجة -أصيلة
– عمالة فاس
– عمالة مراكش
– الجماعة الحضرية القليعة
– الجماعة الحضرية لشيشاوة
– الجماعة الحضرية لمدينة وزان

التوظيف في المؤسسات و المقاولات العمومية
– بنك المغرب، بريد المغرب، بريد كاش، بريد ميديا
– بنك الأعمال لصندوق الإيداع والتدبير CDG Capital
– بورتنيت ش.م فرع الوكالة الوطنية للموانئ
– شركة استغلال الموانئ (مرسى ماروك)
– شركة الإنتاجات البيولوجية والصيدلية البيطرية (بيوفارما)
– شركة الاستثمار الطاقية
– شركة التنمية المحلية الدارالبيضاء للتنشيط والتظاهرات
– شركة الرباط الجهة للتهيئة
– شركة المخازن المينائية
– شركة تدبير ميناء طنجة المدينة
– شركة ترامواي الرباط-سلا

هاد الموقع موثوق 99.9% و يخضع لرقابة الدولة.

إذن لبغا يخدم مع الدولة أو في إحدى مؤسساتها فكاين موقع واحد فقط رسمي لهو emploi-public.ma و متوفر باللغة العربية و اللغة الفرنسية، و كذلك عنده تطبيق رسمي على Google Play و من الأفضل تيلشارجيوه بالنسبة لكيستعمل السمارتفون بزاف.

المواقع الرسمية لعروض العمل بالقطاع الخاص

كاينين جوج مواقع فقط لهي Anapec.org و الموقع Skills.ma

طبعا كولشي كيعرف آنابيك الوكالة الوطنية لإنعاش التشغيل و الكفاءات لمختصة في التوظيف بالقطاع الخاص عن طريق عقود آنابيك و الموقع الآخر التابع لها Skills لمختص في التوظيف بالخارج في كندا و أوربا و بدول الخليج كقطر و السعودية و الإمارات و غيرها من الدول.

هنا غتلقاو العناوين و أرقام الهواتف لجميع وكالات الآنابيك : Réseau d’agences Anapec

المواقع غير الرسمية لنشر الوظائف العمومية

ما تبقى من المواقع لكتنشر عروض العمل للدولة أو لإحدى مؤسساتها العمومية فهي فقط وسيط و كتنقل عروض العمل من الموقع الرسمي emploi-public.ma و كتحطوا عندها لغرض الربح من الإعلانات مقابل هاد الخدمة لكيقدموا للشباب لمعندهمش مع الفرونسي بزاف و كيبغيو يقراو الإعلان عوض تحميله بصيغة PDF.

و هاد المواقع هي كالتالي :
– موقع Alwadifa-maroc.com
– موقع Alwadifa-club.ma
– موقع wadifa.barlamane.com

فمثلا موقع الوظيفة ماروك.كوم فهو غير رسمي، فقط كيدير كوبي كولي لإعلانات الوظائف العمومية ببوابة التشغيل emploi-public.ma، و كاين بزاف المواقع لبحاله لذكرتها لفوق و لكنعاود نأكد غير رسمية و أي غلط في شي إعلان بيه فأنت كتحمل مسؤوليتك الكاملة، لأنه ديجا وقعوا أغلاط في مثلا عدد المناصب، كيفية الترشيح، الوثائق اللازمة لجمع الملف.. لهذا دائما رجع للمصدر الرسمي باش تقرا Avis de recrutement مزيان سوا بالعربية أو الفرنسية قبل مدفع Candidature ديالك.

المواقع التابعة لوكالات التشغيل الخصوصية Cabinets de recrutement

يوجد العديد من هاد المواقع الخاصة ب Cabinets de recrutement، غا هو أغلبها لا تنشر عروض العمل في الموقع و مكيديروش mise à jour و البعض لا يعطي أهمية لتطوير موقعه على الأنترنت و بالتالي خصك تمشي لعندهم Bureau باش تقدر تدفع أو أنك تشوف les offres d’emploi لكينشروها عبر مواقع أخرى مختصة Plateformes de recrutement أو في LinkedIn سواء عبر صفحتهم الرسمية أو عن طريق شي Chargé de recrutement في صفحة بروفيله.

القانون رقم 99-65 المتعلق بمدونة الشغل – الوساطة في الاستخدام وتشغيل الأجراء

المادة 477
يمكن أيضا لوكالات التشغيل الخصوصية أن تساهم في الوساطة بعد الحصول على ترخيص من السلطة الحكومية المكلفة بالشغل .
يقصد بوكالة التشغيل الخصوصية ، كل شخص اعتباري يقوم بالأعمال التالية أو بإحداها :
أ- التقريب بين طلبات و عروض الشغل دون أن يكون القائم بالوساطة طرفا في علاقة الشغل التي قد تنشأ عن ذلك ؛
ب- تقديم أي خدمة أخرى تتعلق بالبحث عن شغل أو ترمي إلى الإدماج المهني لطالبي الشغل .
ج- تشغيل أجراء بهدف وضعهم ، مؤقتا ، رهن إشارة شخص ثالث يسمى “المستعمل” يحدد مهامهم ويراقب تنفيذها .

المادة 479
يجب أن تتم معالجة البيانات الشخصية لطالبي الشغل من قبل وكالات التشغيل الخصوصية بكيفية تراعي احترام الحياة الخاصة للمعنيين بالأمر، مع اقتصارها على المسائل التي ترتبط بمؤهلاتهم و خبراتهم المهنية .

المادة 480
يمنع على وكالات التشغيل الخصوصية أن تتقاضى من طالبي الشغل بصورة مباشرة أو غير مباشرة جزئيا أو كليا ، أية أتعاب أو مصاريف.

و لازم نذكروا باللي ماشي جميع من يدعي أنه Cabinet de recrutement فهو فعلا كذلك، حيث البعض منها معندوش ترخيص من طرف وزارة الشغل و الإدماج المهني، و هادشي غيرجعنا عوتاني لمسألة الرقابة القانونية لمكيناش.

يمكن ليكم تشوفوا لائحة وكالات التشغيل الخصوصية المرخص لها و المعتمدة عبر الموقع الرسمي للوزارة الوصية.

إذن، لباغي يخدم عن طريق Cabinet de recrutement فكاينين بزاف منهم و كل واحد و طريقته في الخدمة و كاين لمختصة في مجال معين أو خاصة ببروفيلات معينة.

بالنسبة لمواقع مكاتب التوظيف فكاين مثلا :
– موقع Tectra.ma
– موقع krow.ma
– موقع manpower-maroc.com
– موقع michaelpageafrica.com
– موقع recrutement.crit-maroc.com

لخاص يعرف كل واحد هو أن هاد Cabinet de recrutement مكتخدمش ايلا مكانش شي شركة طالباها باش تدير ليها recrutement ، و بالتالي كتاخذ نسبة من الربح من الشركة المشغلة على حساب Salaire ديال داك Poste و هاد النسبة تقدر توصل ل 30% أو حسب اتفاق مسبق.

لهذا فاش تحط CV ديالك عندهم أو تدفع ليهم توقع أنك داخل في منافسة شديدة مع بزاف البروفيلات بحالك، لأن مكتب التوظيف دائما خاصوا يوظف الأحسن و الأفضل باش يرضي الزبون.

مواقع Plateformes de recrutement

هاد المواقع كتسهل على الشركات وضع les offres d’emploi أو les offres de stage في موقعها لهو عبارة عن Plateforme خدام ب Logiciel ينظم عملية دفع CV و التوصل بهم و Gestion ديالهم، و حتى جميع مراحل Recrutement، و هاد المواقع كتكون مجرد وسيط بينك و بين الشركة و بالتالي غالبا كتكون مطالب بالتسجيل فيه.

مني كتسجل كتحط معلوماتك الشخصية كاملة عبارة عن بروفيل CV و هادشي كيسهل على الشركة أنها تقلب و تبحث على بروفيلات معينة.

طبعا هاد الخدمة ماشي بالمجان بالنسبة للشركات و حتى بالنسبة للباحثين عن شغل ايلا بغاو إمتيازات خاصهم يخلصوا.

من بين هاد المواقع لمعروفة و على رأس اللائحة نجد :
– موقع LinkedIn عبر الرابط www.linkedin.com/jobs
– موقع ReKrute.com
– موقع amaljob.com
– موقع emploi.ma
– موقع novojob.com

لا بد من الإشارة أنه كاينين Cabinets de recrutement عندهم Plateforme de recrutement بحال CRIT Maroc عبر الرابط recrutement.crit-maroc.com

و كاين الشركات لعندها Plateformes de recrutement الخاص بها، يعني كتنشر عروض العمل في موقعها الرسمي و بالتالي أي Offre d’emploi أو سطاج غتكون واثق من صحته.

من بين هاد الشركات نجد مثلا :

مواقع الأبناك
– موقع Banque centrale populaire عبر الرابط bcp-cand.talent-soft.com
– موقع BMCE Bank عبر الرابط www.bmce.co.ma/apps/recrutement
– موقع BMCI filiale de BNP Parisbas عبر الرابط bnpparibasgt.taleo.net
– موقع CIH Bank عبر الرابط recrutement.cihbank.ma
– موقع Crédit du Maroc عبر الرابط www.groupecreditagricole.jobs
– موقع Attijariwafa Bank عبر الرابط recrutement.attijariwafa.com
– موقع Société générale Maroc عبر الرابط careers.societegenerale.com
– موقع Umnia Bank عبر الرابط recrutement.umniabank.ma
– موقع Bank Assafa عبر الرابط www.bankassafa.com/ar/توظيف

مواقع الشركات المغربية و العالمية
– موقع LEONI Wiring Systems Maroc عبر الرابط leoni.taleo.net
– موقع PSA Maroc عبر الرابط jobs.groupe-psa.com
– موقع Orange Maroc عبر الرابط orange.jobs
– موقع Royal Air Maroc عبر الرابط recrutement.royalairmaroc.com
– موقع Akwa Group عبر الرابط recrutement.akwagroup.com
– موقع Procter & Gamble عبر الرابط www.pgcareers.com
– موقع Groupe OCP عبر الرابط careers.ocpgroup.ma
– موقع VINCI Energies Maroc عبر الرابط emplois.vinci-energies.com
– موقع IBM Maroc عبر الرابط careers.ibm.com

المواقع المتخصصة في مجال أو بروفيلات محددة

كاين بعض المواقع لمتخصصة في مجال أو قطاع من عروض العمل لكتنشر أو عروضها خاصة ببروفيلات محدودة، مثلا موقع أو Agence de recrutement متخصصة في توظيف صحاب Finance و Comptabilité أو لفي دومين Hôtellerie و هكذا.

فمثلا بالنسبة لباغي يخدم في Centre d’appel كنصحوا بهاد الموقع : moncallcenter.ma

بالنسبة لباغي يخدم في مجال الصحة كاين santeannonces.ma

و كاين مواقع خاصة بالسطاجات، كتحط فيه بروفيل ديالك و كتسنى يعيطوا ليك و مع ذلك قليل فين كيعتمدوا عليه الشركات باش يلقاو سطاجير، مثلا موقع : Stagiaires.ma

المواقع المختصة في Freelance

بالنسبة لباغي يخدم في Freelance في المغرب فقط فكاين مواقع لا بأس بها و يمكن ليها تساعد الناس لمجال عملهم في هاد المجال.

كمثال على هاد المواقع :
– موقع freelancer.ma
– موقع khdemti.com
– موقع myfreelance.ma
– موقع freelanceur.ma

مواقع العمل و السطاج عبارة عن Moteur de recherche

هاد المواقع هي عبارة عن موقع كيجمع بزاف ديال مواقع الخدمة عن طريق Logiciel و كيصنفها على حسب الكلمات المفتاحية، و مني كتقرا الإعلان و تبغي Postuler يحيلك على الموقع الأصلي منين تخاذ داك الإعلان.

بحال هاد المواقع كثيرة و ذكرتها في Classement des sites d’emploi au Maroc و يمكن لأي واحد يجربها، و من بين أحسن هاد المواقع مثلا :
– موقع optioncarriere.ma
– موقع emploi.trovit.ma
– موقع neuvo.co.ma
– موقع ma.indeed.com

و مؤخرا جوجل أصبحت تظهر ليك نتائج البحث عن عمل القريبة ليك من خلال المواقع اللي كيوفروا خاصية كود عند نشرهم لإعلانات الوظائف و بالتالي فاش كتقلب على شي Mots de clé ديال شي خدمة كيظهروا ليك النتائج.

مواقع عروض العمل و السطاج غير الرسمية

هاد المواقع غير رسمية و غير تابعة لأي مكتب توظيف أو مؤسسة، كتكون تابعة لأشخاص و أحيانا مكتعرفش شكون و لا أي معلومة عن صاحب الموقع أو مكان تواجده أو المسؤول القانوني عنه، هي فقط مواقع كتقدم ليك خدمة مقابل عدد الزيارات للربح من الإعلانات كباقي المواقع في مجالات آخرى.

طبعا لا مشكل في أنه بحال هاد المواقع تلقى مورد رزق من خلال الخدمة لكتقدم و الوقت لكيقضي باش يوفر ليك هاد الخدمة و هادشي معمول بيه في جميع المواقع بحال هسبريس و شوف.تيفي و غيرها، لكن المشكل هو أن أغلبها غير مهنية و غير جادة و كتفكر في الربح من عدد زيارات الشباب العاطل عن عمل عوض تقريب عروض العمل و السطاج لمنشورة عبر الأنترنت، و بالتالي كتلجأ لأساليب تضليل في نشر عروض العمل و السطاجات، زيادة على هادشي الموقع أحيانا كيكون غير احترافي و استضافته hébergement ضعيفة و هادشي كيخلي الزائر كيستهلك الكثير من الكونكسيون لعنده، خصوصا صحاب 3G/4G.

رجوعا للأساليب المضللة لكيديروا صحاب هاد المواقع غير الاحترافية و هي “العناوين المثيرة” يعني لكتجذب أي واحد “بطالي” باش يدخل للموقع مثل :
– حملة توظيف للشباب العاطل
– حملة توظيف لحملة الشواهد Bac+2 و Bac+3
– شركة تبحث عن مهندسين أو تقنيين ( و هنا كيديروا سمية شي شركة عالمية معروفة)
– مطلوب مهندسين في العديد من المناصب
– توظيف أكثر من 100 عاطل عن عمل
– توظيف في مناصب ب 9000 درهم

– Campagne de recrutement des ingénieurs / techniciens
– Campagne de recrutement chez .. par exemple “Renault, PSA, OCP..)
– “Société” recrute des ingénieurs débutants

و مني كتدخل تقرا الإعلان كتلقى فقط طالبين جوج الناس و لا 3 أو بروفيلات عندهم تجربة، أو كتلقى الإعلان خاص بمجال معين ماشي ديالك حيث مني كتشوف Techniciens أو Ingénieurs مكتعرفش في آ شمن تخصص و بالتالي غيجيك فضول تدخل تقرا، و هادي هي المصيدة خصوصا ايلا زاد Salaire ك 8000 أو 7000 درهم لغادي يغري أي واحد كيشد SMIG.

بحال هاد الأساليب المضللة كيستعملوها بزاف المواقع لماشي احترافيين و متطفلين على الميدان و غرضهم الربح من الأدسنس لا غير، و الغريب العجيب هي لعندها Audience و أغلب الشباب كيضيع وقته في البحث عن عمل أو سطاج بهاد المواقع، لهذا ردوا بالكم مزيان و عرفوا راسكم فين كتقلبوا على راسكم !

و ماشي غي هادشي، بل وصلت الدرجة ببعض هاد المواقع أنهم يديروا Faux profils في LinkedIn بسمية بنات باش ينشروا إعلانات و عروض العمل، و هاد بروفيلات البنات كيديروا Audience كبيرة من خلال نشر عروض عمل وهمية كيطلبوا فيها توظيف في أكثر من 10 مناصب أو من خلال نشر Post كيطلبوا فيه وضع Commentaire أو Like باش يدخل يشوف البروفيل ديالك.

Vous êtes à la recherche d’un emploi, faites un like en laissant votre adresse mail en commentaire. Groupe privé recrute pour ses structures plusieurs profil.
À la recherche d’un Emploi ou Stage ? Faite un LIKE sur cette page et je regarderai votre profil! Vous pouvez m’écrire également! Au plaisir!
Identifier vs amis et Partager au Maximum.

مثل هاد المواقع، نسبة مصداقية عروض العمل و السطاجات و مدى صحتها لا تتجاوز 30% و بالتالي وجب الحذر ثم الحذر، و هادي بعض المواقع كأمثلة لما سبق ذكره و يمكن ليكم تأكدوا بأنفسكم :
– موقع toutaumaroc.com/emploi
– موقع 4recrute.info
– موقع asouaki.com
– موقع le-salarie.com
– موقع inforecrutement.ma
– موقع kimo.ma

بالنسبة لباغي يعرف المواقع لكتنشر عروض العمل يمكن ليه يشوف Classement من خلال هاد الرابط على 100 موقع، أكثر من 70% منها غير احترافية و متطفلة على الميدان و خاص أي واحد كيقلب على خدمة يحضي منها وخا مشهورة و معروفة عند كولشي، لكن بإمكان أي واحد يدير بحث عنها و غادي يعرف مدى “احترافيتها” و “مصداقيتها”.

و آخيرا، ايلا كنتي كتعتمد في بحثك عن عمل أو سطاج على موقع واحد فقط و مجابش الله، فمن الأحسن تبدل الموقع و جرب باقي المواقع لمختصة في المجال، و إعرف أن كل موقع عنده زيارات بزاف فيعني عندك تنافسية بزاف، فلا يعقل إعلان لوظيفة واحدة كيشوفوه 1000 واحد و كيدفعوا ليه 200 شخص و غتسنى يعيطوا ليك، و لا يعقل أنك تبقى تقلب في موقع لأكثر من 6 أشهر و معمرهم عيطوا ليك شي مرة !